ՆԵՐԱԾՈՒԹՅՈՒՆ

Միջազգային առևտուրը (նաև համաշխարհային առևտուր և արտաքին առևտուր)  տար­բեր երկրների միջև տնտեսական կապերի այնպիսի ձև է, որը ծագել է աշխատանքի միջազգային բաժանման հիմքի վրա և արահայտում է աշխարհի երկրների փոխադարձ տնտեսական կախվածությունը:  Ցանկացած երկիր մասնագիտանալով մեկ կամ մի քանի արտադրանքի արտադրության մեջ, կարող է ավելին արտադրել, քան սպառել ինքը, նման պայմաններում կստեղծվի լրացուցիչ կամ այսպես կոչված՝ □ավելցուկային□ արտադրանք, որը միջազգային առևտրի միջոցով կբաժանվի երկրների միջև այնպես, որ բոլոր երկրների բաժինը  կլինի ավելին, քան առևտրի բացակայության դեպքում: Ահա հենց դրանում է ար­տա­քին առևտրի էությունը, բովանդակությունը. մասնագիտացումը բարձրացնում է աշխա­տանքի արտադրողականությունը և վերջին հաշվով  նպաստում ժողովրդի կենսամա­կար­դակի բարձրացմանը:

Ցանկացած երկրի համար դժվար է գնահատել արտաքին առևտրի դերը: Այսպես՝ Ջոն Սաքսի սահմանմամբ, □յուրաքանչյուր երկրի տնտեսական հաջողությունը կախված է նրա արտաքին առևտրից, դեռ ոչ մի երկրի չի հաջողվել ստեղծել առողջ տնտեսություն, որը լինի մեկուսացած միջազգային տնտեսական համակարգից□: